Xa pasaron máis de dous anos dende que a revista de humor galego RETRANCA saíra ás rúas co lema “LERASNOS DE MORTO SE NON NOS LES DE VIVO”. Esta publicación chegou ó mercado disposta a recuperar a longa tradición humorística galega, cunha distribución de 8.000 exemplares.

Kiko da Silva é o director e fundador do proxecto, ao que se suman entre outros Manuel Rivas e Miguelanxo Prado. Humoristas gráficos coma Xaquín Marín, Pinto & Chinto, Kohell, Leandro, Luis Davila, Andrés Meixide ou Xosé Lois. Dende fóra do país achegan as viñetas de Idígoras&Pachi ou Mel.

A iniciativa parte do humorista gráfico e ilustrador Kiko da Silva, e quere ocupar un espazo ata agora descoidado nas bancadas, segundo explica “hoxe en día non hai ningunha publicación adicada a nos facer rir de nós mesmos en Galicia, e coa tradición de humor que temos, con nomes coma Castelao, Fernández Flórez, Julio Camba, Siro ou Pepe Carreiro non é de crer que non haxa público”.

A petición de RETRANCA aos seus lectores de apadriñar algunha páxina, Chantada Films apadriñou a do mestre Xaquín Marín, anunciando a nosa curta O LABIRINTO ARIO.

Longa vida a B.D. galega